كتب احد (الاصلاحيين الاخوان ) – ان صح التعبير - وهو المهندس هيثم ابوخليل (مدير مركز ضحايا لحقوق الانسان ) فى الاسكندرية على صفحته على الفيس بوك هذه العبارة " قاطعوا منتجات شركة هانيكين مالكة محلات درينكز للخمور و التي تعمل تحت اسم شركة الأهرام للمشروبات التي تنتج منتجات بيريل وفيروز تفاح واناناس ومانجو وتفاح وأمستل زيرو وأر سي كولا "
فسألته : نقاطعها ليه يا باشمهندس ؟
فكان رده : الأستاذ العزيز أحمد نقاطعها لأنها واجهة لشركة هولندية مشبوهة أفتتحت خلال ثلاثة أعوام 30 محل للخمور تحت دعوي تشجيع السياحة في شبرا وبولاق الدكرور والعصافرة وسيدي بشر في حين الغردقة وسيناء فيهم 3 محلات فقط .. نقاطعهم لإستغلال إسم مصر وتاريخ مصر في البيرة واشرب بيرة مصر .. نقاطعهم لان الخمرة ام كل الكبائر واحنا كده بنقاوم شركة بتضرب في شبابنا بقوة
وهنا دار حوار بينى وبينه شارك فيه احد الاصدقاء المشتركيين على الفيس بوك وهو الشاب عمر صلاح وجدت انه من الضرورى ان اسجل هذا الحوار كما دار بالضبط لاقوم بالتعليق عليه لاحقا
احمد ابو المجد
اولا: - وايه يعنى انها شركة هولندية تسعى لتحقيق ربح زيها زى اى شركة فى العالم
ثانيا:-ايه علاقة مصر وتاريخها بمشروب التسامح ( البيرة ) ده من اهم الحاجات اللى بفخر بيها فى مصر بة هى البيرة المصرية محلية الصنع ذات التاريخ المشرف ستلا
ثالثا :- ...شرب البيرة عمره ما ضرب فى شبابنا بالعكس ده مشروب صحى جدا ولم تثبت له اى اضرار صحية بالعكس ده بيساعد على تنظيف الكلى وخاصة ان الشعب المصرى من اكثر الشعوب التى تعانى بسبب الكلى مع تلوث المياه
هيثم ابو خليل
براحة شوية علينا ... البيرة من غير الكحول ... ماشي لكن لما تكون بيرة بكحول تكون دمار وإدمان وتؤدي لمصايب كثيرة ..أنا بقاطع شركة بتقدم الخمور كأساسي وبجوارها الفيروز وبيريل ..وستلا إيه فخر مصر يا عم أحمد ... نكون ليبراليين .. نكون ثوريين .. بس الدين هو الاأساس يا جميل
عمر صلاح
وياتري المقاطعة ديه انطلاقا من ايه؟؟؟ او مرجعيتها ايه؟؟ حقوق الانسان؟؟!!!؟
ديه ازدواجية في الخطاب يا استاذ هيثم، راجع مواثيق واتفاقات حقوق الأنسان الي مركز ضحايا بينادي باحترامها
هيثم ابوخليل
مواثيق الأمم المتحدة وأتفاقيات حقوق الإنسان تبيح الشذوذ ... خلاص نفتح الشذوذ ..!! لا يا عمورة ... نشتغل حقوق إنسان مع لايخالف ضمائرنا ومعتقداتنا ... ما شرب الحشيش والبانجو حرية وحقوق إنسان برضه إيه الفرق عن الخمور ..!
احمد ابوالمجد
اتؤمنون ببعض الكتاب وتكفرون ببعض"
منظومة حقوق الانسان متكاملة يا باشمهندس مفيش فيها خيار وفاقوس ناخد شوية حقوق ونسيب شوية حقوق
لان الانسان لايمكن تجزأته او تقطيعه لانه فى الحالة ده يموت كمان حقوقه لايمكن تجزأتها او تقطيعها , ثم البيرة عمرها ماكانت ادمان لان عادة نسبة الكحول فيها ما بتزدش عن 10 % فى النهاية عايز اقولك بلاش نبقى اوصياء على الناس فيما يأكلون وفيما يشربون كل شخص من حقه اختيار غذاءه وشرابه بلاش ننصب انفسنا انصاف آلهة
عمر صلاح
خلاص يبقي حضرتك بصفتك مدير لمركز حقوق انسان، لا تستند الي أي وثيقة او اتفاقية دولية حقوقية، لأن انتهاك مبادئها هيكون دايما ليه مبرراته وتفسيراته تأويلاته عند المنتهك، نفس المبداء الي حضرتك بتستند ليه دلوقتي، تأويلك وتفسيرك للأتفاقات الدولية....
وفي الأخر الأمر نسبي، يعني نلتمس للحكومة العذر في أي انتهاك للمواثيق الدولية تحت دعاوي مماثلة يطلقها النظام
هيثم ابو خليل
منظومة حقوق الإنسان حاططها الغرب طبقاً لمعتقداته .. مش قرآن .. تاني حاجة البيرة حرام يا سيدي ما فيها جدال ولا اجتهاد ما كثيره حرام فقليله كذلك ..البيرة مش إدمان ..!! بتسطل أم لا .. وتؤدي للأخطر منها أم لا ..؟ مين قالك أنني وصي ..أو ربع إله ..!! أنا بطرح مبادرة تاخد بيها ما تاخدتش علي راحتك ... الحرية يا سيدي لها حدود .. نقلع ونمشي ملط علشان الحرية ..لا يا عمورة .. القياس فاسد .. المشكلة ليست في المواثسق يا سيدي المشكلة في التطبيق ..قانون الجنايات المصري يحمي المواطن العادي لكن من يحترم ..؟ وأنا أستند لكل الإتفاقيات الدولية .. لكن في الشذوذ مثلاً أنا ضد تعذيب الشاذ وضد إعتقاله لكن مع علاجه وعدم نشره لفعلته ومعاقبته علي ذلك لو فعل ...ومحاسبته لأنه ينشر وباء في المجتمع ..هل أتركه علشان حرية ..؟؟؟؟؟ ويتآكل الحرث والنسل وتقولي حرية ..؟
عمر صلاح
خلاص حضرتك بقي متقلناش حقوق انسان ومباديء واتفاقات، علشان الخطاب يبقي متسق مع نفسه
وميبقاش فيه تناقض وازدواجية.
مثال التحريض الي حضرتك كتبه في الاستيتس ده ملوش أي علاقية غير بمرجعية ايدلوجية انت مؤمن بيها، لكن ملوش أي علاقة بحقوق الإنسان
...اما فيما يتعلق بمنظومة حقوق الانسان وان الغرب هو الي حاططها، ده كلام غير علمي بالمرة، وملوش أي اساس من الصحة، وحضرتك ممكن ترجع لأي كتاب حول مباديء ومصادر حقوق الأنسان، ان شالله حتي لأكثر اساتذة القانون الدولي "محافظة" هتلاقي كلام حضرتك غير دقيق
احمد ابوالمجد
شوف يا باشمهندس محدش عايزك تقلع او تلبس انت حر تعمل اللى يعجبك لكن احنا عايزينك تكون متصالح ومتفق ومتوازن مع ما تطرحه من افكار علشان لما تعلن غير ما تبطن ده اسمه نفاق سياسى
يعنى انت اخوان اسلامى مرجعيتك كتب التراث
جميل انت حر
لكن مهم انك تكون ...واضح وما تدعيش انك حقوقى
وتحاول تطرح مفاهيمك الدينية من منطلق حقوقى
حقوق الانسان فيها حق وواجب ما فيهاش حلال وحرام
وحتى الحلال والحرام ده ده علاقة بين الانسان وربه مش من حقك تتدخل فيها
هيثم ابو خليل
أما أستاذ أحمد أبوالمجد هذا ليس نفاق سياسي لا تنخلع من جلدك وتقولي علي القرآن كتب تراث ..هذا دين ... ركز معايا ..انا حقوقي ومرجعيتي إسلامية غصب عن كل الغربيين والمتلونيين والليبراليين ..حر يا أخي ... أنا ليبرالي وحقوقي مسلم ومرجعيتني مسلم ..؟ فين النفاق هنا .. هي حساسية من الدين وخلاص ... خدلك ورد أو طريحة سب دين علشان ترتاح ولا إيه ..!! لا يا عمروة أرجع أنت شوف ميثاق الأمم المتحدة مين وضعوا ...؟ وبعدين نروح بعيد ليه ..حقوق إنسان في حاجات حاجات ..في الخمرة والشذوذ مع الغلمان ..هو ده التحضر والليبرالية وحقوق الإنسان ..؟ يلعن أبوها حقوق إنسان لو تقتصر علي كده وتسيب أطفال العراق وغزة يموتوا من الحرب والحصار
